تشرقني تغربني على كيفك

ياويلي منك اهن اه ياويلي
تشرقني تغربني تبعثرني تلملمني على كيفك

تعاندني والخطا منك وربي يعلم بحالي
ابد ماخنتها ادروبك وتذبحني انا سيوفك

لهيب الشوق بعيوني ولك شديتها خيولي
رجيتك يالغلا تكفي انال الحب من حروفك

تذليني بنار الصد وانا اللي انكسر حيلي
وانا لجلك تركت العز وعيني تنتظر شوفك

انا وش حيلتي ياللي غرامي فيك بهذلني
اذوق المر من كاسك وتتركني مع طيوفك

بطرف الرمش تقتلني وبسمه منك تسحرني
تشتتني تجمعني وتلعب بي على كفوفك


بقلمي

شاعرة الرومنسيه